“Novartis”: Medikamente për të varfërit, për 1 dollar

Ky gjigant farmaceutik në kuadër të programit “Novartis akces” do të ofrojë për vendet e varfra 15 lloje të barnave për trajtimin e sëmundjeve kardiovaskulare dhe respiratore, diabetit dhe kancerit në mushkëri, me një çmim shumë të volitshme

Organizatat joqeveritare dhe kompanitë tregtare publike do të shesin ilaçet me një çmim prej një dollari për trajtim për një muaj.

Kjo është qasja e vetme brenda industrisë farmaceutike dhe “Novartis” shpjegon se ky program do të përfshijë Keninë, Etiopinë dhe Vietnamin, dhe më vonë programi do të zgjerohet në 27 vendet me të ardhura të ulëta nacionale.

“Novartis” shpreson se iniciativa e tyre do të jetë e zbatueshme në aspektin komercial në një afat më të gjatë, në mënyrë që të mbështesin më tutje këto rajone.

Ata kujtojnë se 28 milionë njerëz në vendet e varfra vdesin çdo vit nga sëmundjet kronike.