Njoftim me rëndësi nga ambasada shqiptare në Pragë

Keystone (AP Photo/Ronald Zak)

Ambasada shqiptare në Pragë ka njoftuar se që sot, 09.09.2020 maskat do të jenë të detyrueshme në qendra tregtare, dyqane, zyrat e postës, në transportin publik, stacionet hekurudhore, aeroportin e Pragës, në ambientet sociale, shëndetësore dhe farmaci, në zyrat e administratës dhe në institucione, në aktivitete (ambiente të brendshme) që ka pjesëmarrje mbi 100 persona, raporton Albinfo.ch.

“Përjashtim nga mbajtja e detyrueshme e maskës bëjnë: fëmijët nën moshën dy vjeç, personat me probleme mendore, atletët gjatë trajnimit dhe garave, shoferët në transportin publik në rast se nuk janë në kontakt me pasagjerët, nusja dhe dhëndri gjatë ceremonisë së martesës dhe të ftuarit e tjerë në ceremoni. Klubet dhe baret në qytetin e Pragës do të jenë të mbyllura nga ora 24.00- 6.00”, thuhet në njoftim.