Një pacienti 63-vjeçar i shpëtohet jeta në QKUK

"Ndërhyrja, përveçse e ka shpëtuar, në aspektin kardiokirugjik ka parandaluar edhe sulmin e mundshëm në tru që njihet si insult cerebral"

Një lajm i mirë vjen nga Qendra Klinike Universitare e Kosovës, nga e cila jemi mësuar të dëgjojmë kryesisht lajme jo të mira. Mjekët e shërbimit të Kardiokirurgjisë kanë kryer një ndërhyrje të komplikuar, ku një pacienti i rrezikohej jeta pasi kishte komplikime shëndetësore në zemër, transmeton albinfo.ch.

“Pacientit  B.Z (1954) nga Podujeva, i është bërë Bypassi dhe endarterectomy e arteries karotide të djathtë, pra  procedurë e pastrimit dhe rikonstruktimit të arterieve që e furnizojnë me gjak trurin. Ndërhyrja, përveçse e ka shpëtuar, në aspektin kardiokirugjik ka parandaluar  edhe sulmin e mundshëm në tru që njihet si insult cerebral”, thuhet në njoftimin e QKUK-së. Kjo është hera e parë që kryhet një ndërhyrje e tillë në shërbimin e kardiokirurgjisë.