Lajme

Një çift austriak në mesin e të zhdukurve nga vërshimet në Greqi

E enjte, 7 Shtator 2023 - 16:40 albinfo.ch

Foto ilustrim

Një çift austriak që ishte duke e kaluar muajin e mjaltit është në mesin e të zhdukurve nga vërshimet në Greqi, raporton BBC, shkruan albinfo.ch.

Shërbimet e emergjencës atje, kanë thënë për BBC se janë duke e kërkuar çiftin, ndërsa rezultojnë të zhdukur edhe disa persona tjerë.

Njerëzit në Greqi qendrore kanë mbetur të ngujuar mbi çati të shtëpive, pasi u përmbytën fshatra të tëra teksa dhjetëra persona raportohet se kanë humbur jetën që kur stuhia “Daniel” goditi Greqinë, Turqinë dhe Bullgarinë.

Çifti austriak raportohet se vendosi të strehohej brenda një shtëpie të vogël në vendin turistik Potistika mbrëmjen e së martës, ndërsa Brigada e Zjarrfikësve të Greqisë ka thënë se po vazhdon kërkimin për personat e zhdukur, përfshirë edhe çiftin austriak.