Nis lëshimi i certifikatave në Gjermani dhe Zvicër

Sot ka nisur lëshimi i certifikatave të gjendjes civile në konsullatën e Republikës së Kosovës në Gjermani dhe Zvicër

Në dy misionet më të mëdha diplomatike dhe konsullore të Republikës së Kosovës, në Gjermani dhe Zvicër, sot ka filluar lëshimi i certifikatave të gjendjes civile. Me këtë rast, në Konsullatën e Përgjithshme të Republikës së Kosovës në Munih u organizua një ceremoni rasti ku mori pjesë edhe Sekretari i Përgjithshëm i MPJ-së, Kreshnik Gashi.

Duke e vlerësuar ofrimin e këtij shërbimi si një ndër objektivat e realizuara tashmë të MPJ-së, sekretari Gashi, ndër të tjera theksoi se “me lëshimin e certifikatave të gjendjes civile nëmisione plotësohet më tutje gama e shërbimeve që ofrohen misionet e Republikës së Kosovës”.

Ai ka bërë me dije se shërbime të ngjashme pritet të ofrohen edhe në misionet tjera konsullore, raporton Albinfo,Ch.

“Së shpejti, certifikatat e gjendjes civile do të lëshohen edhe në të gjitha misionet tjera të Republikës së Kosovës”, është shprehur sekretari Gashi, sipas të cilit “lëshimi i nëntë llojeve të certifikatave të gjendjes civile u bë i mundur në saje të një bashkëpunimi të ngushtë ndërmjet MPJ-së dhe MPB-së dhe përbën një hap tjetër drejt ofrimit të shërbimeve efikase për qytetarët e Republikës së Kosovës”.

Ndërsa, Konsulli i Përgjithshëm i Republikës së Kosovës në Mihen, Naser Idrizi, theksoi se është shumë i kënaqur që përurimi i këtij shërbimi po ndodhë në Konsullatën e Përgjithshme në Minhen, e cila është hapur këtë vit dhe  mbulon Republikën e Bavarisë dhe të Turingenit.

Kjo konsullatë, sipas Idrizit është në shërbim të plotë të qytetarëve të Republikës së Kosovës që jetojnë në këto Lande të Gjermanisë dhe gjithashtu është duke punuar në vazhdimësi për përmirësim mëtutjeshëm të lidhjes ekonomike dhe shoqërore të këtyre landeve me Republikën e Kosovës.