Nis gjykimi i parë në Gjykatën Speciale, ‘Cali’ e quan gjykatë ‘Gestapo’

Në Dhomat e Specializuara të Gjykatës Speciale në Hagë, është mbajtur gjykimi i parë ndaj ish-eprorit të UÇK-së, Salih Mustafa-Cali.  Prokuroria e akuzoi për krime lufte por Mustafa u deklarua i pafajshëm derisa Zyrën e Prokurorit të Specializuar e krahasoi me policinë sekrete të Gjermanisë Naziste.

“Nuk jam fajtor për asnjë nga pikat që mi ngarkon kjo zyre e Gestapos”, ka thënë Mustafa në seancën e sotme, transmeton Albinfo.ch.

Mē tutje, Mustafa ka lëshuar sallën e gjyqit kur po mbahej seanca e parë ndaj tij, derisa gjykatësja tha se do të jetë i detyruar të marrë pjesë në seancat e tjera vijuese,

Po ashtu, ndaj eprorit të UÇK-së u drejtuan kritika për mënyrën si është shprehur Salih Mustafa sot, meqë ky i fundit derisa ka deklaruar që nuk është fajtor e ka quajtur ZPS-në

Pasi Mustafa ka lëshuar sallën trupi gjykues ka mbajtur një konsultim pas së cilit gjyqtarja ka lëshuar një urdhër me gojë.

“Trupi gjykues është i mendimit se prania e të akuzuarit është e nevojshme, edhe pse jo e e nevopjshme në këtë rast, megjithatë ky refuzim për tu paraqitur dhe zoti Bone kjo lidhet vetëm me pjesën e mbetur të seancës së sotme. Gjykata e mban të drejtën e vet diskrecionale në të ardhmen që të detyrojë të akuzuarit të jetë i pranishëm edhe kur ai heq dorë nga kjo e drejtë”, ka thënë ajo.

Ajo ka shtuar se Mustafa nuk do të lejohet të përdorë të njëjtin fjalor siç ka bërë sot derisa është deklaruar i pafajshëm.

“Duhet ta informoni klientin tuaj që nuk do ta lejojmë zotin Mustafa në seancat në të ardhmen që të përdorë gjuhë pa kurrfarë respekti në lidhje me palët apo pjesëmarrësit e tjerë siç ishte gjuha që përdori klienti i juaj kur ju referua ZPS-së”, ka shtuar gjykatësja.