Nikoliq “korrigjon” raportin e Progresit

Beogradi zyrtar kërkon që të hiqe termi “integriteti territorial i Kosovës” dhe të shkruhet “respektimi i territorit të Kosovës”

   Presidenti i Serbisë, Tomisllav Nikoliq është shprehur i zhgënjyer me raportin e Progresit të Komisionit Evropian për Serbinë. Që ky raport të pranohet nga Beogradi, ai ka përfaqësuesit e Bashkimit Evropian, që të korrigjohen disa “gabime juridike”, në lidhje me terminologjinë për Kosovën. Presidenti Nikoliq thotë se duhet të hiqet nga fjalori termi: ”integriteti territorial i Kosovës”. Mirëpo komisioneri për zgjerim i BE-së, Shtefan Fyle tha se ky term nuk do të hiqet nga raporti, sepse ka qenë vlerësim unik i BE-së.  Nikoliq kërkon që të hiqet termi “integriteti territorial i Kosovës” dhe të shkruhet “respektimi i territorit të Kosovës”. “Bashkimi Evropian po përcaktohet pozitivisht ndaj pavarësisë së Kosovës me anë të saktësimit në formulimet në Strategjinë për shtrirje. Termi ”integriteti i Kosovës” nuk është i pranueshëm për Serbinë, e cila pret se BE do të jetë mediator i paanshëm në dialogun ndërmjet Beogradit e Prishtinës”, ka thën Nikoliq. Këto komente presidenti serb i ka bërë në një intervistë dhënë gazetës beogradase “Veçernje novosti” të cilën e publikon RTK. Pavarësisht kësaj Nikoliq thotë se BE nuk ka alternativë për Serbinë dhe se nga Brukseli pret sinqeritet. “Me dëshirë që ta fitojë datën për fillimin e negociatave, Serbia është ballafaquar me probleme akute, midis të cilave janë lufta kundër kriminalitetit e korrupsionit, reforma e gjyqësisë, si dhe pranimi i gjithë asaj që deri më tash është nënshkruar me vazhdimin e dialogut teknik, me çka ka treguar se ka vullnet të fuqishëm që problemi të zgjidhet”, ka theksuar ai.