Nik Xhelilaj luan rolin e “Winnetou”-s

Nik Xhelilaj (djathtas) në rolin e Vinetu-s

Aktori i ri shqiptar Nik Xhelilaj është zgjedhur për të luajtur rolin Vinetu-s (“Winnetou”) që po realizohet aktualisht nga një produksion gjerman në bashkëpunim me televizionin rtl, njofton albinfo.ch. Vinetu, një prijës aimagjinar indianësh është personazh shumë i njohur i romaneve aventuristike të shkrimtarit gjerman të shekullit 19, Karl May.

Edhe më shumë është popullarizuar nga filmat aventurisikë të viteve 60-70, rolin e të cilit e pati luajtur aktori që ka ndërruar jetë para një muaji Pierre Brice.

Siç shkruajnë mediet gjermane, Nik Xhelilaj nuk e ka pasur idenë se kush ka qenë Vinetu para se të përzgjidhej për ta luajtur rolin e tij.

Edhe versioni i ri i filmit, sikur ai i vitee `60 po realizohet në Kroaci.

Xhelilaj është bërë i njohur me rolin kryesor në filmin gjermanoshqiptar “Der Albaner” (Shqiptari) dhe me disa role në filma shqiptarë si dhe seriale turke.