Ngrohja e tokës rrezikon rezervat e kafes në botë!

Temperaturat në ngritje do të ndikojnë negativisht në tokën bujqësore, me çfarë zonat në të cilat kultivohet kafja do të zvogëlohen për 50 për qind

Ndryshimet e klimës për të cilat tash sa vite alarmohet opinioni, mund të bëjnë që bota të mbetet pa rezerva të kafes. Ky është alarmi më i ri nga ky drejtim, i cili kësaj here vjen i publikuar nga Instituti australian i klimës.

Temperaturat në ngritje do të ndikojnë negativisht në tokën bujqësore, me çfarë zonat në të cilat kultivohet kafja  do të zvogëlohen për 50 për qind, shkruan New York Times, duke iu referuar institutit të përmendur australian.

Por, me ngrohjen e klimës nuk humbet vetëm sipërfaqja tokësore që shfrytëzohet për kultivimin e kafes. Temperaturat e ngritura favorizojnë edhe zhvillimin e parazitëve që dëmtojnë bimën e përmendur. Vetëm nga insektet që sulmojnë kafen, do të shkaktoheshin humbje të kokrrave të kafesë në vlerë prej qindra milionë dollarësh.