Austri, automjeti del nga rruga dhe hyn në treg, përplas 13 persona

13 persona janë përplasur nga një makinë në një treg në Austri

Një ngjarje e rëndë ka ndodhur sot në Austri, kur një automjet ka dalë nga rruga dhe ka hyrë në treg, duke përplasur 13 persona, që ndodheshin në treg në ato çaste.

Mediat raportojnë se ngjarja ka ndodhur në afërsi të Abacisë së Shën Florianit, në jug të Linzit.

Raportohet se të paktën tre prej të plagosurve janë në gjendje të rëndë shëndetësore. Shoferi 87-vjeçar është po ashtu mes të lënduarve.

“Nuk është ende e qartë pse automjeti doli nga rruga”, tha zëdhënësi i policisë, Clemens Lehner.

Policia ka njoftuar se po heton për zbardhjen e shkaqeve të aksidentit të rëndë.

 

---