Nga sot, birra e Pejës në «Coop»

Nga sot në mëngjes çmimi startues i saj në pikat e shitjes së “Coop”-it është në «action» për Fr. 1.40, në vend të Fr. 1.80

Ashtu siç edhe e kishim paralajmëruar më herët, nga sot birra e Pejës gjendet në rajonet e shitoreve të «Coop»-it në Zvicër, ose një ndërë zinxhirët konsumues më të rëndësishëm në vend.

Për fillim, birra e Pejës do të gjendet në 460 filiale të « Coop»-it, nga gjithsej 1400 që ka ajo në tërë Zvicrën. Për fillim, birra e Pejës do të gjendet afër simotrave të saj nga Ballkani.

Për vendosjen e këtij produkti në një varg shitoresh prestigjioze zvicerane, Rexhep Berisha, importues i saj, ndihet krenar, sepse kjo natyrisht që është me interes ekonomik, por edhe simbolik, ngase edhe ai vetë është me prejardhje nga Peja.

Importimi i birrës së Pejës shënon një hap serioz dhe konkret drejt kontributit të aktorëve ekonomikë të diasporës për zhvillimin e Kosovës. Në fakt, rritja e eksportimit të produkteve kosovare në Zvicër dhe Perëndim ndikon drejtpërdrejt në krijimin e vendeve të punës në Kosovë.

Lexoni po ashtu:

Nga marsi, birra e Pejës në shitoret e Coop-it në Zvicër