Nga 1 prilli, Zvicra pritet të heqë kufizimet e fundit lidhur me Covid-in

Detyrimi për të mbajtur maska në transportin publik dhe në objektet e kujdesit shëndetësor, si dhe ai për izolim për pesë ditë pritet të përfundojnë më 1 prill

Nga 1 prilli, Zvicra pritet të heqë kufizimet e lidhura me Covid-in që janë ende në fuqi “nëse situata epidemiologjike evoluon siç pritej”. Kështu kishte vendosur  Këshilli Federal, më 16 shkurt, duke ju referuar 1 prillit shkruan albinfo.ch.

Kjo do të thotë se detyrimi për të mbajtur maska në transportin publik dhe në objektet e kujdesit shëndetësor, si dhe kërkesa për izolim për pesë ditë në rast të një infeksioni Covid, do të përfundojë më 1 prill.

Më 16 shkurt, Këshilli Federal kishte vendosur të heqë pothuajse të gjitha masat e koronavirusit – vetëm detyrimi për maskë në transportin publik dhe në objektet shëndetësore si dhe izolimi do të qëndronin deri në fund të marsit.

Data përfundimtare për heqjen e të gjitha masave për luftimin e koronavirusit mund të gjendet edhe në urdhëresën Covid-19: Urdhëresa rregullon situatën e veçantë vetëm deri më 31 mars dhe, rrjedhimisht, do të skadojë më 1 prill, shkrua srf.ch. Kjo do të thotë se nga fundi i marsit, nëse nuk ka një vendim të ri nga Këshilli Federal, ne do të kthehemi në normalitet – për herë të parë në më shumë se dy vjet, përcjell albinfo.ch. Nga pikëpamja ligjore, Këshilli Federal nuk duhet të marrë vendime të mëtejshme për të hequr të gjitha masat kundër koronës.

 

---