Netanyahu thotë se vendi është në luftë

Keystone (AP Photo/Hatem Moussa)

Kryeministri izraelit ka thënë se Izraeli “është në luftë” pasi Hamasi lëshoi mijëra raketa në Izrael. Militantët e Hamasit gjithashtu hynë në territorin izraelit gjatë sulmit, shkruan DW.

Kryeministri izraelit, Benjamin Netanyahu, u zotua të mposhtë Hamasin pas sulmeve të papritura të grupit, por i tha kombit të tij se lufta “do të marrë kohë”.

Në një fjalim televiziv, Netanyahu tha se ajo që ndodhi “nuk është parë kurrë në Izrael” dhe u zotua të marrë “hakmarrje të fuqishme për këtë ditë të zezë”.

Ai u zotua se Izraeli do të arrijë në çdo vend që Hamasi fshihet, përcjell albinfo.ch.

“Unë u them njerëzve të Gazës që të largohen nga ato vende tani”, shtoi kryeministri.

Ai gjithashtu i tha Hamasit se ai e konsideron grupin militant personalisht përgjegjës për sigurinë dhe mirëqenien e civilëve dhe ushtarëve izraelitë që ka zënë rob, duke shtuar se Izraeli do të “zgjidhë hesapet me këdo që i dëmton ata”, shkruan DW.