Nënshkruhet marrëveshja për arsimin në diasporë

Ministrat e Arsimit dhe Diasporës të Shqipërisë dhe të  Kosovës, në një takim të përbashkët në Tiranë kanë nënshkruar marrëveshjen për arsimin shqip në diasporë

Ministrat e Arsimit dhe Diasporës të Shqipërisë dhe të  Kosovës, në një takim të përbashkët në Tiranë kanë nënshkruar marrëveshjen për arsimin shqip në diasporë.

“Sot kemi finalizuar këshillin e përbashkët për të mirëmenaxhuar gjithë punën për arsimin në diasporë. Nuk do të ketë më punë të ndara për të mundësuar arsimimin e fëmijëve në diasporë, veç Shqipëria dhe veç Kosova, por një punë e organizuar nga ekipet tona që do të finalizojnë në nivel teknik, duke institucionalizuar në një qendër të përbashkët që do të ngrihet në Prishtinë.

Grupet e përbashkëta të punës finalizojnë kurrikulën e përbashkët”, ka thënë ministrja e Arsimit, Lindita Nikolla.

Ndërsa, ministri Majko ka thënë se është shumë i lumtur që pas nënshkrimit të marrëveshjes nga dy kryeministrat, sot po fillojnë implementimin konkret.

Nga ana e tij ministri Gashi ka thënë se ky është një hap i rëndësishëm drejt unifikimit të mësimit shqip në diasporë. “Tani kemi zotime të përbashkëta për hapa konkretë në drejtim të implementimit të plotë të marrëveshjes ndërshtetërore, të nënshkruar mes dy kryeministrave”, theksoi Gashi.