Nelly, sërish akuzohet për sulm seksual

Pohimet se reperi Nelly seksualisht ka sulmuar një adhuruese pas një koncerti në Britani, formalisht është raportuar në polici.

Sulmi kishte ndodhur pas koncertit të amerikanit në Cliffs Pavilion, më 5 dhjetor, përcjell albinfo.ch.

Policia në Essex ka njoftuar se ka filluar hetimin, pasi një grua raportoi në polici se u sulmua seksualisht. Nelly, ndërkaq, i ka mohuar akuzat.

Muajin e shkuar policia në Essex deshi të siguronte raportin e gruas së paidentifikuar të përfshirë në këtë rast, pas raportimeve në mediat amerikane. Ndërkaq këngëtari i ka mohuar akuzat dhe paraqiti një kundërpadi.