Negociatat mes Kosovës dhe Serbisë përfunduan pa sukses

Presidenti i Serbisë, Aleksandar Vuçiq, ka thënë se negociatat e sotme ndërmjet delegacioneve të Beogradit dhe Prishtinës në Bruksel kanë përfunduar pa sukses, pasi sipas tij, kryeministri i Kosovës, Albin Kurti, nuk e ka pranuar propozimin kompromisin e Bashkimit Evropian, përcjell albinfo.ch.

“Ne patëm bisedime dhe mendoj se ato përfunduan pa sukses në drejtim të gjetjes së një rruge të qartë drejt normalizimit të marrëdhënieve. Të gjithë kemi propozimet tona, në fund ne si Serbi e pranuam propozimin e kompromisit të Bashkimit Evropian. Kurti nuk ka dashur ta pranojë dhe takimi ka përfunduar”, ka thënë Vuçiq.

Sipas presidentit serb, gjatë bisedimeve ka pasur kryesisht situata të pakëndshme.

“Është logjike që të gjithë po luftojnë për të vetën. Është e qartë se Kurti po i shmanget formimit të një bashkësie të komunave serbe”, shtoi Vuçiq.

Presidenti i Serbisë, Aleksandar Vuçiq, ka deklaruar se është i sigurt se do të arrihet marrëveshja me Kosovën.

Vuçiqi, mes tjerash ka thënë se duhet të vazhdojë dialogu, raporton Klankosova.tv.

“Nuk besoj që kjo është fundi i botës, jam i sigurt qe do të vije marrëveshja, është diçka që duhet me ndodhë, jam i sigurt që duhet të vazhdojmë të dialogojmë”, u shpreh Vuçiqi para gazetarëve, pas përfundimit të takimit trepalësh në Bruksel.

Presidenti serb theksoi se kryeministri i Kosovës, Albin Kurti, nuk ka dashur që ta pranojë propozimin e BE-së.

“Kurti nuk ka dashur të pranojë propozimin kompromis të BE-së dhe takimi ka përfunduar”, ka thënë ai.