Në Strugë, për dasma harxhohen rreth 10 milionë euro

Llogaritet se në sezonin e dasmave në Strugë gjykuar nga numri i dasmave mendohet se harxhohen rreth 10 milionë euro

Si në shumë qytete shqiptare, edhe në Strugë, shumica e dasmave bëhen gjatë sezonit të verës.

Kështu, në Strugë gjatë pjesës së dytë të korrikut dhe në fillim të gushtit pritet të ketë rreth 500 dasma dhe gëzime të tjera familjare, duke kontribuar shumë në ekonominë vendase, shkruan “Strugalajm.com”.

Ky fakt ka ndikuar që shumë biznesmenë të investojnë në ndërtimin e sallave të dasmave dhe tashmë nuk ka mbetur vendbanim i madh që mos ketë një ose dy të tilla, transmeton albinfo.ch.

Llogaritet se në sezonin e dasmave në Strugë gjykuar nga numri i dasmave harxhohen rreth 10 milionë euro.

Agjensionet e dasmave e lidhin me faktin se mërgimtarët dhe qytetarët rezident të Strugës, zgjedhin këtë periudhë për organizimin e dasmave si rezultat edhe i përkimit me pushimet verore të një pjese të madhe të struganëve, të cilët jetojnë dhe punojnë në botën perëndimorë, të cilët akoma preferojnë që gëzimet e tyre edhe më tutje t’i kremtojnë në vendlindje.