Në Shqipëri, rritja ekonomike arrin në 4.06 %

Gent Sejko

Banka e Shqipërisë ka konfirmuar të dhënat që ditë më parë u publikuan nga INSTAT për rritjen ekonomike në tremujorin e dytë të këtij viti.

Guvernatori i Bankës së Shqipërisë, Gent Sejko ka deklaruar se ekonomia në periudhën prill-qershor të këtij viti ka shkuar në 4.06 për qind, ndërsa theksoi se inflacioni vjetor është ngadalësuar në 2.1 për qind, kurse papunësia përllogaritet në 13.2 për qind, përcjell albinfo.ch.

Me gjithë këto përmirësime, Guvernatori Sejko, thotë se ekonomia shqiptare është ende shumë larg potencialit të vërtetë të saj.

Në tremujorin e parë Prodhimi i Brendshëm Bruto ishte në nibvelin e 3,94 përqind, ndërsa në 2016, rritja ekonomike sipas INSTAT-it ishte 3,37 përqind. Prej disa vitesh ekonomia shqiptare ka njohur një tendencë pozitive. Për 2017 autoritetet kanë parashikuar që rritja të jetë në nivelin e 3,8 përqind.