Në Serbi sulmohet një autobus i Kosovës

Autobusi i linjës Prishtinë-Vjenë është gjuajtur me gjera të forta në Kurshevc, por fatmirësisht përveç dëmeve materiale nuk është lënduar asnjë pasagjerë

Persona të panjohur kanë sulmuar në Krueshevc të Serbisë, autobusin e linjës Prishtinë-Vjenë, por fatmirësisht përveç dëmeve materiale nuk është lënduar asnjë pasagjerë. Pronari i kompanisë së autobusëve, Bexhet Bici, ka thënë për KTV-në se ky nuk është rasti i parë që autobusët e kësaj kompanie janë sulmuar në Serbi.

Ai ka thënë se rasti i parë ka ndodhur para nëntë ditëve, por ata nuk e kanë lajmëruar rastin në media, me arsyetimin se ka mundur të jetë i rastësishëm.

Bici ka thënë se ata e kanë njoftuar edhe policinë në Krushevac, por u kanë thënë se për shkak se sot është fundjavë nuk mund të bëjnë asgjë për rastin. Bici ka thënë se janë të shqetësuar për këto sulme që po u ndodhin, ndërsa ka shtuar e kanë nisur një autobus nga Prishtina për t’i marrë udhëtarët.

Autobusi ishte me targa të Kosovës, ndërsa po e mbanë relacionin e rregullt Prishtinë-Vjenë.