Kosova

Në Prishtinë fillon Festivali i Fëmijëve nga Diaspora

E shtunë, 27 Korrik 2019 - 20:05 albinfo.ch
© albinfo.ch

Me muzikë e valle, sot ka filluar Festivali me fëmijët e diasporës, shkruan albinfo.ch.

Siç ka njoftuar MDIS, në këtë festival po marrin pjesë fëmijë nga Suedia, Italia, Greqia, Finlanda dhe të Austrisë.

Festiavalin e hapi Maliqe Hashani, drejtoreshë e Departamentit të Arsimit dhe Kulturës në MDIS, e cila i ka pëshëndetur të pranishmit në emër të Ministrisë së Diasporës dhe Investimeve Strategjike.

Më pas, fëmijët pjesëmarrës kanë defiluar nga sheshi “Skënderbeu” deri te sheshi “Zahir Pajaziti”, për të vazhduar në bibliotekën “Hivzi Sylejmani”, ku janë paraparë aktivitete të tjera, si orë letrare, punëtori për instrumentet popullore, pika baleti.

Festivali do të vazhdojë nesër me koncertin në sheshin “Skenderbeu”, në orën 18:30.

Ky festival po organizohet në kuadër të manifestimit “Ditët e Diasporës”.

Përmes videos së mëposhtme, albinfo.ch iu sjell momente nga ky festival.

 Të ngjashme

“Festivali i këngës dhe valles shqiptare”, një festë për shqiptarët në Nju Jork

 Të tjera nga Kosova

Mbi 510 mijë votues deri në orën 15:00

 E-Diaspora

 Jeta në Austri