Në Lozanë hapet punëtoria dygjuhësore për fëmijë

Përrallat e Gjysheve / Les contes de Mamie, libri i ri dygjuhësor që afron fëmijët me gjuhën dhe tregimin

Në Bibliotekën Chauderon në Lozanë, më 17 janar 2026 do të organizohet një punëtori leximi për fëmijët e moshës 4–8 vjeç, e udhëhequr nga Kantarena Gjelaj, edukatore sociale e specializuar në të drejtat e fëmijës. Qëllimi i aktivitetit është nxitja e leximit dhe zhvillimit dygjuhësisë përmes një përvoje të strukturuar dhe të përshtatur për të vegjlit.

Në qendër të punëtorisë është libri dygjuhësh Përrallat e Gjysheve / Les contes de Mamie, i shkruar nga Gjelaj në bashkëpunim me ilustruesin bashkautor. Libri ndërthur traditën e rrëfimit me objektivin edukativ: për fëmijët shqiptarë në vendlindje ai shërben si hapësirë e parë drejt gjuhës frënge, ndërsa për fëmijët me prejardhje shqiptare në vendet frankofone, ofron një mënyrë të natyrshme për të ruajtur dhe forcuar gjuhën amtare. Dimensioni ndërmjet gjenerative i tregimit, lidhja mes gjyshes dhe fëmijëve — e thellon vlerën kulturore të veprës.

Biblioteka Chauderon e mbështet këtë aktivitet si pjesë e programeve të saj edukative dhe të hapura për komunitetin, duke ofruar një mjedis të  qasshëm për familjet që kërkojnë qasje cilësore në materiale dygjuhëshe.

Informacion praktik:
Data: 17 janar 2026
Vendi: Bibliothèque de Chauderon, Lausanne
Pjesëmarrja: e hapur dhe falas
Regjistrimi: sipas udhëzimeve të bibliotekës

Ky aktivitet synon të krijojë një hapësirë të qetë dhe të mirëstrukturuar ku fëmijët mund të takohen me gjuhën, librin dhe kulturën përmes një përvoje të orientuar drejt rritjes së tyre gjuhësore dhe emocionale.

ch_contes_de_mamie_A5 (1)

 

---