Lajme
Në Kosovë rriten kreditë, ulen depozitat
Për dallim nga tre muajt e vitit të kaluar, sivjet në Kosovë janë rritur kreditë në banka, ndërsa dukshëm janë ulur depozitimet e qytetarëve.
Në bazë të raportit tremujor të këtij vitit të punës së bankave, del se ato përforcohen në politikën e dhënies së kredive, ndërsa depozitimet zvogëlohen vazhdimisht.
Banka më e madhe në Kosovë, Pro Credit Bank ka raportuar se ka rënie të vlerës së përgjithshme të depozitave për rreth 25 milionë euro për tre muaj, ndërsa në fund të vitit të kaluar, bilanci i depozitave të përgjithshme të klientëve i kësaj banke i regjistruar në Bankën Qendrore të Kosovës (BQK) kishte vlerën prej mbi 666 milionë eurove. Dhe, kjo vlerë në fund të marsit ka rënë në 641.4 milionë euro. Por, brenda tremujorit të parë të këtij viti vlera e neto kredive të kësaj banke ka shënuar rritje prej rreth 1.5 milionë eurove.
Vlera e përgjithshme e kredive neto në këtë bankë, deri në fund të marsit, është mbi 466 milionë euro, derisa e njëjta linjë në fund të dhjetorit ishte në vlerën prej 465 milionëve.
Totali i obligimeve dhe kapitalit të kësaj banke ka rënë në 755 milionë euro nga 779 milionë sa ishte në fundin e muajit dhjetor. Për tre muaj, Pro Credit Bank ka shënuar profit në vlerë prej 3. 7 milionë eurove.
Ngjashëm kanë raportuar edhe shtatë bankat e tjera komerciale që operojnë në tregun financiar të Kosovës, duke shënuar profit të lehtë gjatë operimit tremujor në këtë vit, kurse disa nga to shënuan humbje.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit










