Në Kosovë janë 2.632 raste aktive me Covid-19

Foto: SHSKUK

Instituti Kombëtar i Shëndetësisë Publike të Kosovës ka njoftuar se nga gjithsej 489 mostra të marra rezultojnë 118 raste pozitive me Covid-19, kurse numri i rasteve aktive është 2.632.

Sipas institutit, numri total i rasteve pozitive është 5.735 nga 31.056 persona të dyshimtë në virusin SARS-CoV-2, me gjithsej 135 raste të vdekjes, të cilët kanë pasur sëmundje të tjera shoqëruese.

“Gjatë 24 orëve të fundit janë shëruar 157 pacientë, derisa numri i përgjithshëm i të shëruarve deri më sot është gjithsej 2.968 raste, kurse numri i rasteve aktive është 2.632”, thuhet në njoftimin e IKSHPK-së, përcjell albinfo.ch.

Më së shumti raste të të infektuarve vazhdon të ketë Prishtina. Vetëm sot në këtë komunë u konfirmuan 48 raste.

Ndërkohë rasti i parë më koronavirus në Kosovë u shënua në mesin e muajit mars të këtij viti.