Në këto kompani duan të punojnë më së shumti evropianët

Për vitin e gjashtë, Google udhëheq në këtë listë, ndërsa në vend të dytë dhe të tretë janë “L’Oreal Group” dhe Microsoft

Të gjithë duan të punojnë në Google. Kjo del të jetë e saktë, sipas një studimi të ri të kryer me studentët evropianë nga kompania “Universum”.

Gjiganti teknologji, që u godit me gjobë rekorde 2.4 miliardë euro në qershor, për abuzimin e pozitës së parë dominuese në Evropë, mbetet vendi më atraktiv për studentët e kontinentit të vjetër.

Për vitin e gjashtë, Google udhëheq në këtë listë, ndërsa në vend të dytë dhe të tretë janë “L’Oreal Group” dhe Microsoft, shkruan transmeton albinfo.ch.

“Ata kanë shumë komunikim se si është të punosh në Google. Të diplomuarit nuk lexojnë gazetat – ata shikojnë në kanalet e tyre në rrjetet sociale”, ka thënë Claudia Tattanelli, drejtoreshë në “Universum”.

Këto janë dhjetë kompanitë më atraktive për punë në mesin e studentëve të biznesit në Evropë:

1. Google
2. L’Oreal Group
3. Microsoft
4. PricewaterhouseCoopers
5. Ernst & Young
6. KPMG
7. Deloitte
8. Goldman Sachs
9. McKinsey & Company
10. Boston Consulting Group

Google mbetet më e kërkuara edhe për studentët e inxhinierisë dhe IT-së:

1. Google
2. Microsoft
3. IBM
4. Siemens
5. General Electric
6. Daimler/Mercedes-Benz
7. Bosch
8. Airbus
9. BMW
10. Intel

Rangimi i sivjetmë është bazuar në një hulumtim që ka përfshirë gati 200 mijë studentë të biznesit, inxhinierisë dhe IT-së në 12 kombe evropiane, përfshirë Gjermaninë, Francën, Italinë dhe Britaninë e Madhe.