Në Këln të Gjermanisë po xhirohet filmi i ri i Visar Morinës

Pas sukseseve me filmin “Babai”, i cili fitoi në Festivalin e Karlovy Varyt për regjinë më të mirë, skenaristi dhe regjisori Visar Morina shumë shpejt pritet të sjellë projektin më të ri kinematografik “Exile”, skenari i të cilit është shpërblyer me çmimin prestigjioz gjerman “Lola’s Gold”.

Filmi rrëfen tregimin e Xhaferit, një inxhinier i kimisë me origjinë nga Kosova, i cili ndjehet i diskriminuar dhe i ngacmuar në vendin e punës, gjë që e zhyt atë në krizë të identitetit. “Exile” është bashkëprodhim në mes të Komplizen Film Gjermani, Ikonë Studio Kosovë dhe Frakas nga Belgjika.

Në këtë film luajnë aktorët Sanrda Hüllerë e njohur për rolin e saj në filmin “Toni Erdmann”, Mišel Matičeviq, si dhe aktorët shqiptarë Astrit Kabashi, Valentina Dubovci, Flonja Kodheli, Getuart Hajrizaj, Ameli Kabashi.

Xhirimet e filmit përfundojnë në fund të muajit tetor, ndërsa filmi pritet të jetë i gatshëm në mes të vitit të ardhshëm.