Në Gjermani arrestohen gjashtë punëtorë ilegalë

Më 26 shtator 2018, nëpunësit e Kontrollit financiar të Zyrës doganore gjermane në Dortmund, kanë kontrolluar një kantier në rrethinën e qytetit të Dortmundit.

Në kantierin e ndërtimit të një shtëpie banimi, ata kishin shkuar pas një informate të pranuar anonime, shkruajnë mediat gjermane, përcjell Albinfo.ch.

Në vendngjarje u zbuluan gjashtë shtetas shqiptarë e maqedonas, të cilët kanë qenë duke punuar në ndërtimin e shtëpisë.

“Për punësimin në Gjermani, personat në fjalë nuk kanë mundur të identifikohen me leje të rregullt qëndrimi. Të gjithë të punësuarit gjithashtu nuk kanë pasur vendbanim të caktuar”, ka deklaruar Madelaine Becker, zëvendës zëdhënëse për shtyp, informon Albinfo.ch.

Të gjashtë punëtorët shqiptarë dhe maqedonas e humbën lejen e qëndrimit tremujor si rezultat i punësimit të paligjshëm dhe prandaj u arrestuan përkohësisht në vendngjarje. Ndaj tyre janë inicuar procedura penale nën dyshimin e qëndrimit të paligjshëm në Gjermani.

Për situatën e mëtutjeshme të shqiptarëve dhe maqedonasve të moshën 22-49 vjeçare, tani do të vendosin autoriteti përgjegjëse për emigracionin.

Punëdhënësin e të pandehurve e presin procedura për ndihmë në qëndrimin e paligjshëm dhe punësimin e paligjshëm të punëtorëve pa leje pune të vlefshme.

Hetimet janë në rrjedhë e sipër.