Në disa kantone të Zvicrës, shkollat do të rihapen me pak vonesë

National Cancer Institute

Klasat kanë filluar të hënën në disa prej kantoneve të Zvicrës. Shkolla publike po rifillon këtë javë në kantonet gjermanofolëse të Aargau, Appenzell Ausserrhoden, Basel, Glaris, St. Gallen, Schaffhausen, Obwald, Solothurn, Schwyz, Thurgau, si dhe në pjesën gjermane në Bernë, transmeton albinfo.ch.

Ndërkohë programi i rihapjes së shkollës për kantonet e tjera është si më poshtë:

17 gusht: Appenzell Innerrhoden, Jura, Neuchâtel, Graubünden, Lucerne, Nidwald, Uri, Valais, Zug, Cyrih dhe pjesa frëngjishtfolëse e Bernit.

24 gusht: Gjenevë dhe Vaud

27 gusht: Fribourg

31 gusht: Ticino.

Politikat e maskave ndryshojnë nga një kanton në tjetrin. Por, një gjë që të gjithë kanë të përbashkët është se maska nuk kërkohet në shkollën fillore, e cila shkon përafërsisht nga kopshti në klasën e gjashtë në shumicën e rajoneve, shkruajnë mediat zvicerane.

Kjo sepse zyrtarët zviceranë të shëndetit besojnë se fëmijët e vegjël rrallë preken nga Covid-19.

Po shkollat e mesme dhe ato profesionale? Nga 11 kantonet ku klasa rifillon të hënën, vetëm Schaffhausen ka një kërkesë të përgjithshme për maskë në nivelin e mesëm të lartë.

Në shumicën e kantoneve të tjera, studentët do të duhet të mbajnë maska vetëm në situata të caktuara – për shembull, kur rregulli në distancë prej 1.5 metrash nuk mund të respektohet.

Përjashtim është Aargau, ku kërkohet maska nëse ka më pak se 2.25 metra për person të disponueshëm në klasë.

Thuhet se adiministrata e shkollës është përgjegjëse për përcaktimin e rregullave maksimale të përdorimit për klasat. Nëse ato tejkalohen, maskat duhet të vihen.