Në cilat vende punohet më gjatë?

Në Britaninë e Madhe pesë milionë njerëz rregullisht punojnë jashtë orarit, edhe atë pa pagesë, duke u falur punëdhënësve të tyre rreth 31.5 miliardë paund çdo vit, shkruan “Daily Telegraph”.

Cilat janë vendet në të cilat punojnë me orar të zgjatur dhe të shkurtuar?

Përgjigjja për këtë pyetje është dhënë nga Organizata për Bashkëpunim Ekonomik dhe Zhvillim (OECD).
Sipas tyre, britanikët janë edhe relativisht të privilegjuar, sepse ata punojnë mesatarisht 1.674 orë në vit, ose 32.2 orë në javë, përcjell albinfo.ch.

Çuditërisht, shumica e punonjësve janë keqpërdorur në Meksikë. Qytetari mesatar i këtij vendi punon 2246 orë në vit, ose 43.2 orë në javë, sipas OECD.

Në vendin e dytë është Kosta Rika, klasifikohet shpesh si vendi më i lumtur në botë me 2230 orë në vit. Top 5 është plotësuar nga Koreja e Jugut me 2113 orë, 2042 orë Greqia dhe Kili për 1988 orë në vit.

Çuditërisht në fund të listës është Gjermania, e cila konsiderohet jashtëzakonisht efikase. Një qytetar në Gjermani mesatarisht punon vetëm 1.371 orë në vit, ose 26.4 orë në javë. Qytetarët e Holandës (1419 orë), Norvegjia (1424 orë), Danimarkë (1457 orë) dhe Franca (1482 orë).

Orët mesatare të punës janë shkurtuar në secilin vend, për të cilin ka të dhëna OECD. Në Mbretërinë e Bashkuar, për shembull, zakonisht të punësuarit kanë punuar mesatarisht 1700 orë në vitin 2000, në krahasim me 1.674 orë në vitin 2015.

Orari i punës është shkurtuar ndjeshëm në vende të tjera, si Hungaria, për shembull, banorët e të cilit kanë punuar 2033 orë në vit më 2000 dhe më 2015 kanë punuar tashmë 1749 orë.