Në Bernë mund të testoheni për koronavirus pa dalë nga makina

Njerëzit që dyshojnë se kanë Koronavirusin mund të testohen shpejt në automjetin e tyre

Kantoni i Bernës hap sot Qendrën “Drive In” të testiimit për koronavirus, në BEA Expo të qytetit të Bernës. Sipas autoriteteve të kantonit, kjo është qendra e parë e këtij lloji në Zvicër dhe punon përmes regjistrimit në internet, shkruan srf.ch.

Qendra është gjithashtu e hapur për njerëzit që janë jashtë grupeve të rrezikuara, transmeton albinfo.ch. Njerëzit që dyshojnë se kanë Koronavirusin mund të testohen shpejt në automjetin e tyre, siç njoftojnë sot organet drejtuese të Kantonit të Bernës.

Me qendrën “Drive In” do të arrihen disa qëllime

Duke hapur qendrën “Drive In”, Kantoni i Bernës ndjek disa qëllime, ka thënë të enjtehn për mediat drejtori i Zyrës së Shëndetit Publik në Kantonin e Bernës Pierre Alain Schnegg.

Falë qendrës së re, njerëzit që dyshohet se janë të infektuar do të kenë shumë shpejt sigurinë e duhur në lidhje me gjendjen e tyre shëndetësore, ka thënë Schnegg.

Bartësit e mundshëm të virusit, në këtë mënyrë do të jenë në gjendje të mbrojnë mjedisin e tyre nga vetja, përcjell albinfo.ch. Një qëllim tjetër është që sa më pak njerëz të jetë e mundur që janë të nevojshëm në punë duhet të qëndrojnë në shtëpi.

---