Në Aeroportin e Cyrihut janë kapur mbi 1300 kilogramë drogë të llojit khat

Ajo që përbën rekord është konfiskimi i mbi 1370 kg të substancës së butë narkotike, khat

Në Aeroportin më të madh të vendit, aë të Cyrihut, brenda tre muajve të fundit janë kapur  15 kilogramë heroinë dhe kokainë, 8100 “Thai-pilula”. Por ajo që përbën rekord, është konfiskimi i mbi 1.3 ton të substancës së butë narkotike, khat.

Kështu, përderisa në periudhën e njëjtë të një viti më parë ishin në bagazhet e udhëtarëve ishin gjetur gjithsej 68 kilogramë, në tremujorin e fundit janë konfiskuar plot 1370 kilogramë të kësaj bime me cilësi narkotike, shkruan sda.ch.

Kjo bimë rritet në vendet si Omani, Jemeni, Kenia dhe Etiopia. Ajo përdoret në këto vende duke u përtypur dhe vepron ngjashëm me tabletat si kofeina.

Po ashtu gjatë periudhës në fjalë në aeroportin e Cyrihut janë arrestuar 22 persona të cilët kanë provuar të fusin drogë në Zvicër përmes rrugës ajrore, njofton dogana dhe policia e Kantonit të Cyrihut, transemton albinfo.ch. Shumica kanë qenë nga Lituania, Suedia, Brazili dhe Zvicra.

(Foto: Kapo Zürich)