Në 12 vjetët e fundit, Zvicra e para në botë për inovacion

Në 12 vjetët e fundit Zvicra kryeson në indeksin e inovacionit, falë ligjeve mbi pronësinë intelektuale dhe fuqisë së ekonomisë lokale

Çdo vit, Organizata Botërore e Pronësisë Intelektuale (WIPO) bën një vlerësim të vendeve në bazë të nivelit të inovacionit të ekonomive të tyre me Global Innovation Index.

Indeksi i vlerëson vendet në bazë të treguesve të një ekonomie të fortë të inovacionit. Këto përfshijnë shpenzime në kërkime dhe studime, fuqinë e tregut në përgjithësi, sistemet dhe prodhimin e patentave, si dhe kapitalin e punës globale.

Edhe pse disa vende renditen vazhdimisht të parët, të tjerë hyjnë dhe dalin nga dhjetë vendet e para. Grafiku i Gilbert Fontana ilustron në detaje dhjetë vendet më inovative në Indeksin Global të Inovacionit Global WIPO në Kombet e Bashkuara, në periudhën 2011–2022, shkruan Monitor, transmeton albinfo.ch.

Dhjetë vendet më inovative (2011-2022)

Në 12 vjetët e fundit, Zvicra kryeson në indeksin e inovacionit, falë ligjeve mbi pronësinë intelektuale dhe fuqisë së ekonomisë lokale. Pjesa tjetër e vendeve në top 10 është në zhvillim të vazhdueshëm.

Përveç Zvicrës, edhe shtatë vende kanë qenë ndër dhjetë të parët çdo vit, duke përfshirë Suedinë, Singaporin dhe Shtetet e Bashkuara.

Disa kanë dalë nga renditja e dhjetë të parëve, si Kanadaja në vitin 2012 dhe Irlanda në vitin 2018. Kjo u kanë dhënë mundësinë vendeve në zhvillim si Koreja e Jugut dhe Gjermania të hynë në renditjen e dhjetë vendeve të para.

Në total 14 vende janë klasifikuar në top 10 të vendeve më inovative në botë, në harkun e mbuluar nga kërkimi.

---