Në 11 shkolla në Kosovë nuk filloi procesi mësimor

Ministri i Arsimit, Shkencës dhe Teknologjisë, Shyqiri Bytyqi, në një konferencë për media ka njoftuar për shkak të punimeve të papërfunduara, mësimi nuk ka filluar në 11 shkolla të Kosovës.

Bytyqi ka theksuar se ky dikaster i ka bërë të gjitha përgatitjet e duhura për fillimin e vitit të ri shkollor dhe se edhe këtë vit nxënësit nga klasa e 1 deri ne të 9 do t’i marrin falas tekstet shkollore, përcjell albinfo.ch.

Bytyqi ka shtuar se presin që nga viti i ardhshëm nxënësit në arsimin parauniversitar të nisin mësimin me botime të reja shkollore.