Në 10 klinika të kirurgjisë së QKUK-së vazhdon greva

Dhjetë klinika në QKUK janë duke e vazhduar grevën, ndonëse menaxhmenti i SSHKUK-së po e mohon një gjë të tillë.

Greva e mjekëve ka filluar para dy dite, por ishte paralajmëruar se do të zgjaste 24 orë me kërkesën e mjekëve për rritje të pagave sa të prokurorëve e gjyqtarëve.

Në grevë janë se paku 103 mjekë, sipas listave me nënshkrime. Në të gjitha klinikat e kirurgjike, po punohen vetëm në rastet urgjente. Sallat nuk janë duke punuar e as shërbimet specialistike, përcjell albinfo.ch.

Klinikat e Kirurgjisë përbëjnë rreth 50 për qind të QKUK-së. Një ditë më parë mjekët i kanë dhënë ultimatum Qeverisë se nëse nuk i plotëson kërkesat e tyre, do të përballet me greva, protesta e madje edhe mosdhënie të ndihmës mjekësore.