Kosova

Ndërpritet ndeshja Rumani-Kosovë

E martë, 12 Shtator 2023 - 21:18 albinfo.ch

Ndeshja mes Rumanisë edhe Kosovës, e vlefshme për kualifikimet “Euro 2024”, është ndërprerë. Gjyqtari kryesor i ndeshjes e ka marrë këtë vendim, pasi disa tifozë rumun kanë ndezur mjete piroteknike dhe kanë shfaqur mesazhe kundër shtetit të Kosovës.

Që nga fillimi i ndeshjes, rumunët dëgjoheshin duke brohoritur “Serbia, Serbia” teksa pas portës së ekipit të Kosovës, u shfaq pano “Kosova është Serbi”, shkruan albinfo.ch.

Gjyqtari dhe futbollistët rumun kanë biseduar me tifozët, të cilët nuk e kanë larguar mesazhin nga tribunat.

Zyrtarisht ndeshja mes Rumanisë dhe Kosovës është suspenduar teksa tani pritet vendimi i UEFA-s nëse ndeshja do të vazhdojë.