Ndalohet në Merdare Nënkryetari i Partisë Liberale të serbve të Kosovës

Nënkryetari i Partisë Liberale të serbve të Kosovës, Boban Stankoviq është ndaluar në pikën kufitare në Merdare.

Kryeministri Ramush Haradinaj ka reaguar pas ndalimit të Stankoviq-it.

Stankoviq njëkohësisht është edhe Zëvendëskinistër në Ministrinë e Kulturës, Rinisë dhe Sporteve.

Haradinaj ndalimin e Boban Stankoviqit e ka cilësuar si vazhdim të provokimeve nga ana e Serbisë.

“Vazhdojnë provokimet dhe qasja jokonstruktive e shtetit serb ndaj qytetarëve të Republikës së Kosovës . Sot në pikën kufitare në Merdare, është ndaluar nënkryetari i Partisë Liberale të serbëve të Kosovës si dhe zëvendësministër në Ministrinë e Kulturës Rinisë dhe Sportit, Boban Stankovic. Ai po mbahet nga zyrtarët policorë serb pa asnjë arsye dhe në bazë të informacioneve që kemi ai po merret në pyetje nga zyrtarë të BIA-së serbe”, ka shkruar Haradinaj në Facebook.

Haradinaj ka thënë se Serbia duhet të ndaloj praktika të tilla.

“Ftojmë autoritetet serbe që të ndalojnë praktikat tilla të presionit ndaj qytetarëve serb, të cilët duan ta ndërtojnë jetën e tyre në Republikën e Kosovës. Kosova është shtet i gjithë qytetarëve të saj dhe ne nuk do të pranojmë që në këtë formë të frikësohen qytetarët tanë”, ka shkruar bë fund Haradinaj.