NATO kërkon kujdesë nga institucionet dhe populli i Kosovës në veri

Komandanti i krahut jugor të NATO-s në Napoli, admirali Bruce W. Clingan, e siguroi presidenten kosovare, Atifete Jahjaga, se aleanca veriatlantike vazhdon të jetë e përkushtuar për të ndihmuar Kosovën në forcimin e mëtejshëm të stabilitetit të saj, ruajtjen e paqes dhe krijimin e një ambienti të sigurt për të gjithë qytetarët e saj.

Admirali Clingan i bëri këto komente pas një takimi që zhvilloi me presidenten kosovare.

Ai shprehu interesimin e veçantë të NATO-s që të ndihmojë konsolidimin dhe avancimin e Forcës së Sigurisë së Kosovës, e cila sipas vlerësimeve të KFOR-it ka arritur kapacitetin e plotë operacional.

“NATO-ja përcjell nga afër zhvillimet në Kosovë dhe pret që institucionet dhe populli i Kosovës të jenë vigjilentë ashtu si edhe deri më tani dhe të mos lejojnë që incidentet individuale të përdoren për arritjen e qëllimeve politike dhe krijimit të një klime të pasigurisë e jotolerancës”, ka thënë admirali Clingan, thuhet në një komunikatë të Presidencës.

Sipas komunikatës, Presidentja Jahjaga, ka deklaruar se forca paqeruajtëse e NATO-s në Kosovë ka luajtur një rol të rëndësishëm në të gjitha periudhat e shtetndërtimit të Kosovës.

Ajo ka theksuar se Kosova është një rrëfi m suksesi i përbashkët i popullit të Kosovës, institucioneve të saj dhe bashkësisë ndërkombëtare dhe theksoi se së bashku duhet të vazhdohet të vlerësohen të arriturat.