Murtezaj: Kosova e gatshme të kryesojë me Procesin e Bashkëpunimit të Evropës Juglindore (SEECP)

Ai ka shprehur angazhimin dhe përkushtimin e Republikës së Kosovës për të qenë aktive në forumet rajonale dhe për të kontribuar në forcimin e bashkëpunimit rajonal

Zëvendës-ministri i Punëve të Jashtme, Valon Murtezaj, ka përfaqësuar Kosovën në punimet e Forumit Strategjik të  Bledit në  Slloveni, takim ky, ku po marrin pjesë  Ministrat e Punëve të Jashtme të Procesit të Bashkëpunimit të Evropës Juglindore nën kryesimin e Sllovenisë, transmeton albinfo.ch.

Në fjalimin e tij drejtuar Forumit të Ministrave të Punëve të Jashtme të SEECP-së,  Murtezaj, ka shprehur angazhimin dhe përkushtimin e Republikës së Kosovës për të qenë aktive në forumet rajonale dhe për të kontribuar në forcimin e bashkëpunimit rajonal.

Në këtë takim ka marrë pjesë edhe Përfaqësuesja e Lartë për Politikë të Jashtme dhe Siguri e BE-së , Frederika Mogherini.