Murati përfundon vizitat nëpër komuna

Nesër gjatë takimit të Asociacionit të Komunave të Kosovës pritet të nënshkruhet Memorandumi i bashkëpunimit ndërmjet MeD-it dhe komunave për diasporën

Ministri i Diasporës, Valon Murati ka përfunduar turneun e tij nëpër komunat e Kosovës, për të koordinuar aktivitetin me nivelin lokal, për pritjen e bashkatdhetarëve gjatë muajve të verës. Vizita e fundit e Muratitr ishte në Suharekë, në komunën që ka numrin më të madh të qytetarëve në Diasporë, më shumë se një të tretën.

Memorandumi i bashkëpunimit, i cili u është prezantuar të gjitha komunave në takimet që u mbajtën përgjatë dy javësh, do të nënshkruhet nesër gjatë takimit të kryetarëve të komunave në kuadër të Asociacionit të Komunave të Kosovës.

Nga ana tjetër, Ministri i Diasporës, përpos takimit me kryetarin e komunës së Suharekës, Sali Asllanaj, gjatë ditës qëndroi edhe në komunën e Rahovecit dhe në komunën e Skenderajt ku u takua me kryetarin Idriz Vehapi, përkatësisht nënkryetarin Fadil Nura.

Gjatë këtyre takimeve u morr zotimi se komunat do të jetë në gatishmëri të plotë për pritjen e fluksit të bashkatdhetarëve gjatë muajve të verës. Ndërkaq, deri në përfundim të qershorit do të ketë edhe një kalendar të përbashkët të aktiviteteve ndërsa janë duke u bërë përgatitjet që edhe administrata të jetë sa më efikase.

Ministri Murati si në gjitha takimet tjera me kryetarët e komunave, ashtu edhe në këto takime njoftoi kryetarët me planet e Ministrisë së Diasporës, si dhe kërkoi bashkëpunim edhe në procesin e hartimit regjistrit të diasporës dhe mërgatës.