Jmsn (Christian Berishaj), koncerte në Cyrih dhe Bazel

Këngëtari, autori i teksteve, instrumentisti i shumëfishtë, mjeshtri i zërimit, producenti videoartisti (… a ka më?) shqiptaroamerikan Jmsn alsia Christian Berishaj e ka filluar karrierën e tij  muzikore nga mosha e tij shkollore me koncerte nëpër garazhe në një paralagje të Detroitit. Në vitin 2008 ai e ka braktisur bendin e tij dhe ka kaluar të jetojë në Los Angeles , ku, pas një kohe të shkurtër ka bërë emër si solo-këngëtar shumë premtues.

Me albumin e tij debutues “Priscilla” ai ka tërhequr vëmendjen e këngëtarit shumë tënjohur,  fituesit të shumëfishtë të çmimit Grammy, Usher. Ai e ka quajtur albumin e shqiptarit Jmsn (Jameson) si “favorite new act” të tij.

Numri i madh i talenteve i ka sjellë Berishajt bashkëpunim me emra si Game, J.Cole, Tyga. Ab-Soul, Kaytranada etj.

Në vitin 2014 ai ka edituar albumin e tij të dytë “Jmsn (The Blue Album)”.

Aktualisht multitalenti shqiptaroamerikan ndodhet në një turne evropiane, ku po mban koncerte në Britani të Madhe, Gjermani, Zvicër etj.  Albinfo.ch merr vesh se Të mërkurën, më 8 prill ai performon në Cyrih (“Exil“, Hardstrasse 245, 8005 Zürich) me fillim në orën 21. Ndërsa të enjten, po në orën 21 është koncerti i tij në Bazel (Kaserne Basel (Rossstall 1&2).