“Muaji pa duhan”, nis fushata e vetëdijesimit në Zvicër

Keystone

Qëllimi i kësaj dite është rritja e ndërgjegjësimit lidhur me rreziqet që sjell konsumi i duhanit, si dhe fushata për ndërmarrjen e politikave efektive me qëllim uljen e konsumit të tij. Ky muaj është shpallur si “Muaji pa duhan” në Zvicër, përcjell albinfo.ch.

Fushata kombëtare në internet, e promovuar nga Fondi për Parandalimin e Duhanit, synon “të ofrojë një mjet për të ndihmuar shumë njerëz që dëshirojnë të çlirohen nga cigaret”.

Në Zvicër, 27 për qind e popullsisë pinë duhan, duke e ekspozuar veten ndaj rrezikut më të lartë të problemeve të frymëmarrjes dhe kardiovaskulare, mes kushteve të tjera mjekësore.

Po ashtu, OBSH-ja u bën thirrje shteteve të përshpejtojnë nismat lidhur me kontrollin e duhanit.

Kontrolli i duhanit mund të ulë varfërinë, të kontribuojë në dhënien fund të urisë, të promovojë një bujqësi të qëndrueshme, rritje ekonomike, si dhe të luftojë ndryshimin e klimës. Rritja e taksave për produktet e duhanit mund të përdoret për të financuar mbulim shëndetësor universal, si dhe për të mbështetur programet e tjera të zhvillimit të qeverisë.