“Mr. Corona”: Situata do të normalizohet në fillim të verës

"Supozojmë se situata duhet të normalizohet në fillim të verës", ka thënë drejtori i departamentit të sëmundjeve ngjitëse nga BAG, Daniel Koch, "Mr. Corona"

Për shkakun se është fytyra më e pranishme në media që nga shpërthimi i koronavirusit, Daniel Koch, drejtori i departamentit të sëmundjeve ngjitëse në Zyrën Federale të Shëndetit Publik (BAG), ka marrë tashmë nofkën simpatike “Mr. Corona”, shkruan albinfo.ch.

Zyrtari, të cilit tashmë i pranohet gjerësisht kompetenca e tij profesionale dhe efekti qetësues në fushën që mbulon, i mbush më 13 prill mbush 65 vjet dhe, sipas rregullit, do të pensionohet.

Ai, të martën në mbrëmje në transmetimin special të SRF foli rreth asaj se si do të vazhdojë rrjedha e koronavirusit në Zvicër, transmeton albinfo.ch.

“Supozojmë se situata duhet të normalizohet në fillim të verës”, ka thënë drejtori i departamentit të sëmundjeve ngjitëse nga BAG.

Mirëpo, në fund të fundit, nuk është BAG që vendos ritmin, por epidemia, transmeton albinfo.ch. Koch ka siguruar që Këshilli Federal ka për synim të heqë masat e marra, “sa më shpejt të jetë e mundur, gjegjüesisht kur situata ta mundësojë një gjë të tillë”.

 

---