Lifestyle
Modelja shqiptare në Zvicër kujton luftën, kemi kaluar kufirin në këmbë
Modelja gjithashtu ka treguar se kur kanë mbërritur në Zvicër kishin shumë frikë se shteti i kthente në Kosovë
Modelja e njohur Heidi Lushtaku e cila prej vitesh jeton në Zvicër me familjen, ka qenë e ftuar në emisionin “Rudina” në Tv Klan.
Heidi për herë të parë ka folur për jetën e saj private, ikjen nga Kosova gjatë luftës dhe sakrificat që ajo dhe familja kanë përballur gjatë asaj periudhe, përcjell albinfo.ch.
Heidi Lushtaku: Gjatë luftës së Kosovës kam qenë vetëm 6 vjeç. Është një pjesë që unë kurrë nuk kam folur në jetën time se si kam shkuar në Zvicër, çfarë ka ndodhur apo si ia kemi filluar me familjen time. Baba im ka jetuar dhe punuar në Gjermani për shumë vite. Normal kam pasur për të lindur në Gjermani, por ai u kthye prapë në Kosovë dhe u bë lufta. Në atë moment kemi pasur shumë fat sepse 1 javë para se të bëhej lufta apo disa ditë para se të mbylleshin kufijtë ne ikëm. Kufijtë i kemi kaluar gjithmonë në këmbë, ka qenë një rrugë shumë e gjatë.
Rudina Magjistari: Udhëtimi i gjithi në këmbë?
Heidi Lushtaku: Po, është hera e parë që kam lot në televizor, gjithë këto vite nuk më ka ndodhur kurrë në jetë.
Rudina Magjistari: Janë kujtime që të kujtojnë një kohë të vështirë, por që ka ndryshuar jetën tuaj praktikisht.
Heidi Lushtaku: E kanë ndryshuar jetën time. Nëse nuk do kishim ikur nuk e di se çfarë do kishte ndodhur me ne. Edhe me mbiemrin tonë i kanë vrarë burrat shumë shpejt, nuk e di se çfarë do kishte ndodhur, ndoshta do isha këtu. Kur vajta në Zvicër, në shkollë më hoqën prej kursit të historisë sepse gjithmonë historia në shkollë që mësonim ishte për luftën e për mos të më traumatizuar më shumë, më viktimizonin shumë. Unë nuk kuptoja, thoja jam gjallë, kam ecur shumë. Unë e ndjej veten shumë krenare, me familjen time kemi qenë refugjatë politik dhe ia kemi filluar prej fillimit.
Modelja gjithashtu ka treguar se kur kanë mbërritur në Zvicër kishin shumë frikë se shteti i kthente në Kosovë, shtëpia e tyre ishte djegur dhe ndodheshin në një gjendje të vështirë. Por të gjithë ata arritën t’ja dilnin dhe të krijonin një jetesë të mirë.
Të ngjashme
Të tjera nga Lifestyle
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
Olti Hyseni, 16-vjeçari shqiptar që po mahnit Danimarkën
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Austri
-
Përmbledhje e lajmeve më të fundit nga Austria Ministria e Integrimit do të përcaktojë ‘kulturën austriake’, grevë në Austrian Airlines dhe më shumë lajme...
-
Anulohen fluturimet Vjenë-Shkup dhe anasjelltas
-
Ministrja austriake e Drejtësisë: Austria do ta mbështesë Kosovën për anëtarësim në Këshillin e Evropës
-
Austri: Priten deri në 400 anulime të fluturimeve për shkak të grevës
-
Sllovenia pret rritjen e numrit të sirianëve për në Austri e Gjermani