Ministrja e Financave në Zvicër kritikon pengesat për rikthimin e bonuseve

ARCHIVBILD - ZUR FDP-BUNDESRATSKANDIDATIN KARIN KELLER-SUTER STELLEN WIR IHNEN FOLGENDES BILDMATERIAL ZUR VERFUEGUNG - Karin Keller-Sutter, Council of State member FDP-SG and first vice president of the Swiss Council of States, poses for a photograph at the Council of States vestibule at the Swiss Parliament in Bern, Switzerland, on September 25, 2017. (KEYSTONE/Christian Beutler) ....

Ministrja zvicerane e financave, Karin Keller-Sutter ka kritikuar pengesat ligjore që pengojnë rikthimin e bonuseve të drejtuesve të kompanive, raporton, swissinfo, përcjell albinfo.ch.

E pyetur nëse ish-drejtorët e bankës zvicerane “Credit Suisse” duhet të paguajnë një pjesë të bonuseve të tyre, ajo u shpreh se Kodi Zviceran i Detyrimeve parashikon përgjegjësi.

Në muajin mars kjo bankë u detyrua në një blerje urgjente nga rivalja UBS për të shmangur falimentimin, teksa shkatërrimi i institucionit bankar 167-vjeçar shkaktoi valë tronditëse në sistemin financiar global dhe po konsiderohet si një siklet i rëndë në Zvicër.

Keller-Sutter ndër të tjera u shpreh se publiku nuk dëshiron që pagat e larta të paguhen pa marrë asnjë përgjegjësi.

“Bonuset duhet të dizajnohen në atë mënyrë që të mos inkurajojnë marrjen e tepërt të rrezikut”, ka thënë ajo.

Keller-Sutter ka qenë jashtëzakonisht kritike ndaj menaxhmentit të “Credit Suisse” që nga marrja e kontrollit, duke thënë se ata nuk arritën të “merrnin përgjegjësi për veten, për punonjësit, për klientët e saj, por edhe për Zvicrën”.