Ministria e Shëndetësisë, së shpejti me masa kufizuese

Në Kosovë sot janë konfirmuar 2050 raste me koronavirus, shifër kjo rekorde që nga gushti i vitit të kaluar.

E duke u bazuar në situatën epidemiologjike, Ministria e Shëndetësisë së shpejti do të dalë më masa të reja kufizuese, këtë e ka konfirmuar Drin Podrimqaku, këshilltar në Ministrinë e Shëndetësisë.

“Ministri është në vazhdimësi në takime dhe duke përcjellë situatën epidemiologjike, bazuar në rekomandimet së shpejti do të dalim me masa të reja”, konfirmoi ai.

Aktualisht në Kosovë vlejnë masat kufizuese të ndërmarra gjatë vitit 2021, ku pas orës 24:00 deri në ora 05:00 vlen ora policore.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: nga 9.194 testime, 2.050 qytetarë kanë rezultuar pozitivë me virusin COVID-19.

MSH njofton se gjatë 24 orëve të fundit nuk është shënuar asnjë rast i vdekjes.