Ministri zviceran i mbrojtjes, për vizitë pune në Kosovë

Në këtë kuadër Parmelin pritet të takojë kryeministrin e Kosovës, Isa Mustafën, zëvendëskryeministrin, njëherësh ministër i kulturës, Kujtim Shala dhe ministrin e mbrojtjes, Haki Demolli

Keystone

Nesër, më 27 maj, ministri zviceran i mbrojtjes, Guy Parmelin do të bëjë një vizitë pune në Kosovë. Përmes bisedave me faktorë të ndryshëm ai do të bëjë një pasqyrë mbi situatën aktuale në shtetin më të ri evropian, bëhet e ditur në një njoftim për shtyp të Ministrisë së Mbrojtjes, shkruan albinfo.ch.

Në këtë kuadër Parmelin pritet të takojë kryeministrin e Kosovës, Isa Mustafën dhe qeveritarë të tjerë. Takimet me zëvendëskryeministrin, njëherësh ministër i kulturës, Kujtim Shala dhe ministrin e mbrojtjes, Haki Demolli janë po ashtu në axhendë, bën të ditur albinfo.ch

Veç kësaj minstri zviceran do të takojë edhe komandantine KFOR-it dhe përfaqësues te jetës ekonomike. Po ashtu është paraparë edhe një vizitë e Swiisscoy-t në Mitrovicë.

Janë paraparë edhe takime me nënkryetarin e Eulex-it Bernd Thran, komandantin aktual të KFOR-it, Guglielmo Miglietta etj.