Kosovë: Ministri i Drejtësisë merr mbështetjen e Francës rreth të pagjeturve

Ministri i Drejtësisë, Abelard Tahiri, ka njoftuar se ka pranuar letër nga homologia e tij franceze, Nicole Belloubet, lidhur me kërkesën që ai u ka drejtuar homologëve të BE-në për personat e zhdukur gjatë luftës në Kosovë.

Tahiri kishte kërkuar më shumë presion ndaj Serbisë për ta zgjidhur këtë çështje.

“Në referencë të kërkesës sime drejtuar homologëve të vendeve të Bashkimit Evropian, për të shtuar presionin ndaj Serbisë që të hapë arkivat dhe të japë çdo informacion në lidhje me fatin e personave të zhdukur, sot kam pranuar një letër nga ministrja e Drejtësisë e Francës, znj. Nicole Belloubet, përmes së cilës kam marrë mbështetje të plotë dhe të tërësishme në kërkesën time. Jam tejet falënderues ndaj ministres Belloubet që iniciativa ime ka gjetur mbështetje të gjerë dhe me këtë rast, sërish ftoj vendet e Bashkimit Evropian për ta trajtuar me prioritet këtë çështje të rëndësishme për shoqërinë tonë”, shkruan kk, përcjell albinfo.ch.

“Gjithashtu ftoj shtetin serb që të reflektojë seriozisht dhe të marrë përgjegjësitë e veta ndaj kësaj kërkese. Kjo nuk duhet parë si temë politike, por si një përkushtim mbi bazën e humanizmit, sepse është e drejtë themelore e familjarëve për të ditur mbi fatin e më të afërmeve të tyre dhe Republika e Serbisë ka përgjegjësi ndaj kësaj çështjeje”.