Ministri Aliu viziton kryetarin e Leposaviqit, gjuhet me ngjyrë nga protestuesit serbë

Liburn Aliu, Facebook

Ministri i Infrastrukturës në Qeverinë e Kosovës, Liburn Aliu, ka vizituar të martën kryetarin e Leposaviqit, Lulzim Hetemi, i cili po vazhdon tash e disa javë të qëndrojë brenda objektit të Komunës.

“Nder dhe kënaqësi e veçantë që ta takoj Kryetarin e Komunës së Leposaviqit, z. Lulzim Hetemi. Me Kryetarin bashkëbiseduam për bashkëpunimin e ndërsjellë në realizimin e projekteve që do të kontribuojnë në zhvillim ekonomik për të gjithë qytetarët, respektivisht për projekte infrastrukturore në komunë, me ç’rast i ofruam mbështetje të parezervë.  E falënderoj Kryetarin Lulzim Hetemi nga zemra për qëndresën e tij shembullore për Republikën e Kosovës, si dhe Policinë e Kosovës”, ka shkruar Aliu.

Vetura e tij është gjuajtur me vezë dhe me ngjyrë të kuqe nga protestuesit serbë në shenjë revolte, përcjell albinfo.ch.