Minatorët e Trepçës në grevë, rëndohet gjendja e tyre shëndetësore

Minatorët e Trepçës janë në ditën e dytë të grevës, me kërkesën për ekzekutimin e pagave.

Dy minatorë kanë kërkuar sot ndihmë mjekësore, pasi gjendja e tyre shëndetësore është keqësuar gjatë grevës që ata po e mbajnë.

Kryetari i Sindikatës së Minatorëve, Ibrahim Jonuzi, tha se të dy minatorët është dashur të barten me autoambulancë.

“Sot janë dy raste që kanë kërkuar ndihmë mjekësore dhe janë transportuar me autoambulancë për në Spitalin Rajonal në Mitrovicë, por njëri ka këmbëngulur dhe i është kthyer grevës”, tha ai, njofton Klankosova.tv.

Minatorët kanë hyrë në grevë, ku po kërkojnë realizimin e pagës mujore, shkarkimin e kryeshefit, sigurime shëndetësore e kushte të punës, përcjell albinfo.ch.