Miliarda për zgjerimin e autostradave zvicerane

Keystone Foto nga arkiva

Rritja e popullsisë ka çmimin e saj. Me qëllim të parandalimit të kolapsit në qarkullimit e automjeteve nëpër autostrada dhe përmirësimin e gjendjes në qytete, Këshilli Federal i Zvicrës ka ndarë së bashku një paketë miliardesh.

Nga ana tjetër cmimet e derivateve kanë mbetur të qëndrueshme, përcjell albinfo.ch

Qeveria e Zvicrës planifikon të investojë rreth 14.8 miliardë franga për zhvillimin e mëtejshëm të rrjetit rrugor nacional deri në 2030 me 1.8 miliard franga më shumë se sa njoftoi në fillim të vitit. Parlamenti do të vendosë së shpejti.

Miliardat përfshijnë kredi për projekte të mëdha, si dhe kostot e operimit, mirëmbajtjes dhe përshtatjes së rrjetit rrugor kombëtar për vitet 2020 deri në vitin 2023.

Sipas Këshillit Federal, kjo punë i shërben sigurisë rrugore. Përveç kësaj, ato sigurojnë që tunelet, urat dhe trotuaret mund të rehabilitohen.

Ministrja e Transportit, Doris Leuthard dëshiron të parandalojë një kolaps të trafikut në të gjitha mënyrat. Me një paketë miliardë dollarësh duhet të përfitojnë rrugët nacionale.

«Për shkak se gjithnjë e më shumë njerëz po udhëtojnë në rrugët zvicerane, ajo ka nevojë për kapacitet më të madh,» tha Leuthard.