Mijëra qytetarë vizituan panairin “AGROKOS 2012”

Gjatë ditëve të kaluara, dhjetëra kompani vendore dhe të rajonit, ekspozuan prodhimet e tyre para opinionit kosovar

Mijëra qytetarë nga Kosova, por edhe nga rajoni e kanë vizituar Panairin e agrobiznesit, ushqimit dhe pijeve “AGROKOS” e cila u mbajt për katër ditë në Prishtinë, ndërsa përfundoi të premten pasdite. Gjatë ditëve të kaluara, dhjetëra kompani vendore dhe të rajonit, ekspozuan prodhimet e tyre para opinionit kosovar. Sipas organizatorëve, ky panair i 12-ti me radhë, ka shënuar rritje të konsiderueshme në krahasim me panairet e kaluar. “Edhe pse moti ishte i ftohtë dhe me shi, interesimi i qytetarëve për ta vizituar këtë panair ishte i kënaqshëm”, thuhet një kumtesën përmbyllëse lëshuar nga kompania organizuese “CEO – Congress & Event Organization”.Këtë vit panairi, sipas saj, u vizitua edhe nga një numër shumë i madh i vizitorëve nga shtetet e rajonit, gjë që dëshmon që panairi “AGROKOS” tashmë është bërë i njohur edhe jashtë kufijve të shtetit tonë.Sipas organizatorit, “CEO – Congress & Event Organization”, kompani nga nëntë shtete ekspozuan produktet e tyre në “AGROKOS 2012”, përfshirë këtu edhe ato nga Shqipëria, Maqedonia dhe Greqia.“Këto të fundit këtë vit kishin zgjedhur pikërisht panairin “AGROKOS 2012” që të marrin pjesë në mënyrë të  organizuar dhe të promovohen para vizitorëve në Kosovë prodhimet e tyre dhe rrjedhimisht të gjejnë partnerë për bashkëpunim:, thuhet më tej në komunikatë.Po ashtu, sipas organizatorëve, këtë vit me ndihmën e Institutit Riinvest, nën emërimin “Frutat e Kosovës” dhe “nga Rahoveci” si ekspozues në panair, kanë marrë pjesë edhe një numër i madh i prodhuesve vendorë.Ndryshe “AGROKOS 2012” u organizua nga CEO – Congress & Event Organization, e ndihmuar nga Agjencia Shqiptare e Zhvillimit të Investimeve (AIDA), Agjencia për Investime të Huaja dhe Promovim të Eksportit të Republikës së Maqedonisë (Invest in Macedonia), Oda Ekonomike e Diasporës Shqiptare (OEDSH) si dhe shumë përkrahës të tjerë.